Iratze, herri eta iratzarri bateratzen dituen hitz jokoa da Iratzerri. Herri berdea, ekologikoa eta jasangarria helburu duen taldeari izena ematen dion hitza finean. Larrialdi klimatikoari eta energia krisiari aurre egiteko guztiok dugun ardura ernarazi nahi dugu geure herrian, Lezon.

Arazo global eta transbertsal honek eragiten digun kezkak elkartu gaituen herritarrak gara. Etorkizunean tokian tokiko baliabideek eta lehengai energetikoek izango duten garrantziaz oharturik, herriari eragiten dioten erabakietan herritarron partehartzea ahalbidetzeko bitartekari eta sustatzaile izan nahi dugu. Erabaki estrategikoak zein proiektu ezberdinak aztertzea eta herritarrei azaltzea da gure asmoa, geure proposamenak ere egin nahi ditugularik. Lezon energia trantsia jasangarri eta ekologiko baterako energia plan propio baten garapenean eragin nahi dugu. Bertako helburuak
betetzen direnaren jarraipena eginaz, onuragarriak diren proiektuetan lagunduz, zalantzagarrietan masa kritikoak eratuz eta kaltegarrietan aurre eginaz jardungo dugularik.